All posts by श्री रमेश खरमाळे (माजी सैनिक)

किल्ले निमगीरी

  1. किल्ले निमगीरी उर्फ हनुमान गड – Nimgiri
    किल्ल्याची ऊंची : 2900 ft
    किल्ल्याचा प्रकार : गिरीदुर्ग
    जिल्हा : पुणे
    डोंगररांग:नाणेघाट
    श्रेणी : मध्यम
    सह्याद्रीच्या बालाघाट रांगेची निसर्गाच्या लावण्याची उधळण प्राप्त असलेली ही पश्चिम व पूर्व पसरलेली रांग आहे. ती पुणे, अ.नगर आणि नाशिक या जिल्ह्यांतुन एक देखण्या कड्यांची रेषा निर्माण करत पुढे जाते. या रांगेत अनेक दुर्गपुष्प व हेमाडपंती मंदिरे आहेत, माळशेज, दर्या्घाट, नाणेघाट,
    साकुर्डीघाट असे अनेक सौंदर्यमय घाट वाटा आहेत. तर जीवधन, चावंड, निमगिरी, हडसर,सिंदोळा हरिश्चंद्रगड,कुंजरगड, पाबर, कलाड,आणि भैरवगड
    सारखे किल्ले आहेत. यातील हरिश्चंद्रगड एकटाच
    उजवीकडे असून बाकी सर्व डावीकडे आहेत असे म्हणावे लागेल. हरिश्चंद्रगडाच्या एकदम समोर सिंदोळा व त्या समोर निमगिरी किल्ला आहे. श्री. शिवछत्रपती शिवाजी महाराज यांनी दुसरी सुरतेची लुट याच निमगिरी च्या पाऊलवाटेने केली व पुढे शत्रुसैन्याची भनक कानी येताच याच मार्गावर असलेल्या कुकडी नदीच्या पात्रातील डोहात ती लुट बुडवून ते निश्चिंत होऊन पुण्याकडे रवाना झाले. आज याच डोहाचे नाव माणिकडोह म्हणून जुन्नर तालुक्यात प्रसिद्ध असून याच नावाने माणिकडोह धरण बांधण्यात आले व येथेच बिबटय़ा निवारण केंद्राची स्थापना करण्यात आली आहे.
    पाहण्याची ठिकाणे : किल्ला चढाई करताना गडपायथ्याला प्रथमच आपणास अतिशय पुरातन हनुमानाचे दगडी शिल्प व जुनी देवराई दर्शन व या देवराईत अगदी एकमेकांना चिकटून असलेली 50 थडगी येथे घडलेला नरसंहारच बयान करतात. तेथे जवळपासच 9 व्या शतकातील पुष्करणी संपुष्टात आलेली शिल्पे पहावयास मिळते. किल्ल्याच्या
    पाय-यांची रचना कातळात केलेली असून या पायर्‍या शत्रुसैन्यांना दिसुन येऊ नये म्हणून दोन्ही बाजूंनी कातळ भिंती आहेत. या पायर्‍या आपणास उजवीकडच्या डोंगरावर घेऊन जातात.ही वाट दोन डोंगरांना एकत्र जोडते. परंतु ही वाट पश्चिमेकडील भाग म्हणजेच हनुमान गड होय.पडझड होऊन लुप्त झालेल्या दरवाजाच्याच बाजूला पहारेकर-यांच्या खोल्या पडझड अवस्थेत दिसून येतातत. गडमाथ्यावर 7 ते 8 पिण्याच्या पाण्याच्या टाक्या आहेत.यापैकी दोन टाक्यांतील पाणी पिण्यास योग्य आहे. तर उध्वस्त केलेल्या वास्तुंच्या मिटलेल्या खुणा चौथ-यांमुळे निदर्शनास पडतात. किल्याच्या बालेकिल्ल्यावर भग्न अवस्थेतील शिवमंदिर असून शिवपिंड व गजांतलक्ष्मी शिल्पाची पुजा करताना येथील भाविक दिसतात. गजांतलक्ष्मी शिल्पे जुन्नर तालुक्यात सर्वत्र म्हणजे पुर्वेला बोरी शिरोली पश्चिमेला नाणेघाट, उत्तरेला निमगिरी तर दक्षिणेला घंगाळधरे या ठिकाणी असून एकूण सहा शिल्पे आढळतात. जेथे धनसंपत्तीचा ढिग असेल अशाच ठिकाणी या शिल्पांचा वापर त्यावेळी प्रवेशाव्दाराला केला जात असे.त्यातील एक शिल्प येथे आढळते. पर्व दिशेला पडझड झालेल्या दुरावस्थेत काही लेणी आहेत. पैकी दोन लेण्यांमध्ये एक एक खोली आहे. यात ५ त ६ जणांना मुक्काम करता येतो. परंतु एक लेणी पुर्व डोंगर कपारीत अर्ध गाडलेली दिसून येते परंतु तेथे जाण्याचा मार्ग दिसत नाही हे एक आश्चर्य वाटते. मग येथे जाण्यासाठी भुयारी मार्ग होता का? तो काळाच्या ओघात गाडला गेला असेल का ? असे प्रश्न पडतात. किल्याच्या बालेकिल्ल्यावरून किल्ले शिवनेरी, सिंदोळा,जिवधन, चावंड तसेच हरिश्चंद्रगडाचा बालेकिल्ला, तारामती शिखर आणि टोलारखिंड दिसते. दोन्ही बाजूने असलेले पिंपळगाव जोग धरण व माणिकडोह धरण या किल्याच्या सौंदर्यात भर घालतानाचे अलौकिक दृश्य दिसते.
    किल्ल्याच्या पश्चिमेस असलेल्या हनुमान गडावर २ पाण्याच्या टाक्यांशिवाय तटबंदी व याच तटबंदीत कोरलेल्या दरवाजा रूपी वास्तुत एक वेगळेपण असून त्याच्या चौकटीवरील गोलाकार व त्याला वर दिलेली शेंडी याचा अर्थबोध होत नाही.येथे खुपसारा इतिहास गाडलेला पहावयास मिळतो. तो उजाडात येणे खुप गरजेचे आहे. हनुमान गडाच्या बालेकिल्ल्यावर एक दगडी राऊंड भिंत बांधलेली असून ती संपूर्ण उध्वस्त झाली आहे. संपूर्ण किल्याची तटबंदी नामसेस झाली असून उर्वरित ठिक ठिकाणी असलेल्या तटबंदीच्या संवर्धनासाठी वेळीच पावले उचलली गेली नाही तर त्या इतिहासाच्या खुणा कायमस्वरूपी नष्ट होतील.

संपूर्ण किल्ला फिरण्यासाठी लागणारा वेळ: – १ तास

  • किल्यावर पोहोचण्याच्या वाटा : मुंबई मार्गे – मुरबाड – माळशेज – मढ – बागडवाडी – निमगिरी
    पुणे मार्गे – जुन्नर – हडसर – निमगिरी
    माळशेज घाट पार केल्यावर दोन किमी वर खुबी फाटा आहे. त्याच्या पुढे ४ किमी वर वेळखिंड लागते. वेळखिंड संपली की मढ पारगाव नावाचे गाव आहे.
    या पारगाव वरुन एक रस्ता उजवीकडे जातो.
    तो बोरवाडी – मढ मार्गे निमगिरी कडे जातो. हाच
    रस्ता पुढे हडसरला पण जातो. पारगाव पासून निमगिरी ७ किमी वर आहे.
    छायाचित्र / लेखक श्री. खरमाळे रमेश
    (माजी सैनिक खोडद)
    उपाध्यक्ष – शिवाजी ट्रेल
    निसर्ग रम्य जुन्नर तालुका फेसबुक पेज
    मो.नं – 8390008370

किल्ले संवर्धनाचे घट्ट नाते…

किल्ले संवर्धनाचे घट्ट नाते.
धन्यवाद वाचक बंधूंनो अगदी दोनच दिवसांत 30,000 (तीस हजार) वाचकांनी “भुयारी मार्ग एक उत्सुकता” या स्टोरीस प्रतिसाद दिलात.निसर्ग रम्य पेज परीवार आपला आभारी आहे. आपणापुढे निसर्गा संबंधित नवनवीन घडलेले चमत्कार व निसर्गातील नवनवीन कल्पना आपल्या समोर मांडण्याचा माझा प्रयत्न आहे. आपण करत असलेल्या कमेन्ट्स द्वारे मला नेहमीच आनंद होत असून लवकरच अनेक विविध नवइतिहास सांगणारे पुस्तक आपण करत असलेल्या मेसेज स्वरूपाच्या मागणीमुळे प्रकाशीत करण्याचा माझा माणस आहे. त्याही लेखनशैलीवर पण आपण असेच भरभरून प्रेम कराल हीच अपेक्षा व्यक्त करतो.
आपण आणि माझे सहकारी मित्रांनी मला पुस्तक काढण्यासाठी प्रोत्साहन देऊन मदतीचा हात पुढे केलात हीच माझ्या सारख्या एक गरीबाची खरोखरच खूप मोठी संपत्ती आहे. की जी माझ्याकडुन हिरावून घेतली जाऊ शकत नाही. आपले सर्वांचे मनापासून खुप खुप आभार व्यक्त करतो.

एक विनंती करत आहे. प्रथम संस्करणातील 50% शुल्क श्री.शिवछत्रपती शिवाजी महाराज यांच्या दुर्लक्षित किल्यांच्या संवर्धन उपयोगासाठी किल्ले संवर्धक “शिवाजी ट्रेलच्या” माध्यमातून होईल. अशी निश्चितच ग्वाही देतो.
श्री. खरमाळे रमेश
(माजी सैनिक खोडद)
किल्ले संवर्धक शिवाजी ट्रेल

भारतात-एकाच-दिवशी-एकाच-वेळी-121-किल्यांवर-महादुर्गपूजा

  • durg_maha_puja_2016

** भारतात एकाच दिवशी एकाच वेळी 121 किल्यांवर महादुर्गपूजा **

जगप्रसिद्ध असलेला राजा म्हणजेच राजेशाही थाट,प्रजापती, युध्दनितीतज्ञ, गरीब जनतेचा कैवारी व पालणहार म्हणुन राजा माणला गेला असेल तर जुन्नर तालुक्यातील किल्ले शिवनेरीवर जन्मलेला धुरंधर राजा श्री. शिवछत्रपती शिवाजी महाराज. अनेकजणांना राजांविषयी गर्व आहे तो फक्त स्वार्थासाठी पण आम्हाला गर्व आहे तो फक्त आणि फक्त या राजांसाठी. आम्हाला गड घ्यायचा नाही तर तो टिकवायचा आहे तो स्वार्थासाठी नव्हे तर राजांच्या किर्ती साठी. आम्हाला किल्यांवर इतिहास लिहायचा नाही तर राजांचा इतिहास सांगणारे तरूण घडवायचे आहेत. त्यांच्या ह्रदयात किल्ले आणि राजांचा जिव्हाळा ठासून भरायचा आहे. म्हणूनच किल्ले संवर्धनाबरोबरच दुर्गांवर दुर्गपूजा आपण राहत असलेल्या वास्तू प्रमाणेच प्रत्येक वर्षी 28 फेब्रुवारी रोजी आयोजित केली जात आहे.
गेल्या वर्षी महाराष्ट्रातील 81 किल्यांवर एकाच दिवशी दिंडोरी प्रणीत परमपूज्य गुरूमाऊली मोरे दादा आणि किल्ले संवर्धक महासंघ महाराष्ट्र राज्य यांच्या अंतर्गत असलेल्या ग्रुपच्या माध्यमातून आयोजित केली होती.
आज पुन्हा एकदा सांगताना अत्यानंद होत आहे की या वर्षी एकुण 121 व त्यापेक्षा जास्त किल्यांवर येत्या 28 /2/2016 रोजी महादुर्गपूजा आयोजित करण्यात येणार आहे. आणि विशेष म्हणजे या वर्षी इतर पाच राज्यांतील सामिल झालेल्या आमच्या ग्रुपमधील किल्ले संवर्धक ग्रुपने सहभाग नोंदवून एक आदर्श जागवण्याचा प्रयत्न केला आहे. आपणही आपल्या जवळच्या किल्यांवर पुजा आयोजित करणार असाल तर आम्ही देत असलेल्या मो. नंबरवर संपर्क साधून गडकोटांची संस्कृती जपण्यासाठी गडकोटांवर उपस्थितीत राहून सहभागी व्हावे ही विनंती.
खालील किल्यांवर दुर्गपूजा आयोजित केली आहे यामध्ये आपण भर घालावी ही सदिच्छा.
महाराष्ट्रातील किल्ले
**सुभा पुणे **

1 सिंदोळा
2 निमगिरी
3 हडसर
4 जीवधन
5 चावंड
6 शिवनेरी
7 नारायणगड
8 भोरगिरी
9 संग्रामदुर्ग
10 राजमाची
11 लोहगड
12 विसापूर
13 तुंग
14 तिकोना
15 मोरगिरी
16 घनगड
17 कैलासगड
18 सिंहगड
19 कोरीगड
20 रायरेश्वर
21 कावळ्या
22 रोहिडा
23 तोरणा
24 राजगड
25 मल्हारगड
26 पुरंदर
27 वज्रगड
28 दौलतमंगल
29 शनिवारवाडा

** सुभा सातारा **
1 वारुगड
2 सुभानमंगळ
3 केंजळगड
4 जरंडा
5 अजिंक्यतारा
6 सज्जनगड
7 प्रतापगड
8 संतोषगड

**सुभा संभाजीनगर **
1 लहुगड
2 अंतुर
3 देवगिरी
4 भांगशी
5 अजंटा
6 सुतोंडा

**सुभा नाशिक **
1 रामसेज
2 हरगड
3 अंजनेरी
4 धोडप

**इतर **
1 प्रचितगड
2 पावनखिंड
3 विजयदुर्ग
4 सोलापूर
5 निवती
6 अवचितगड
7 पदमदुर्ग
8 पन्हाळा
9 हरिश्चंद्रगड
10 धारूर
11 भुदरगड
12 रायगड
13 सरसगड
14 कुलाबा
15 मंगळवेडा
16 रतनदुर्ग
17 पारोळा
18 वासई
19 सिंधुदुर्ग
20 झरांडा
21 सुवर्णदुर्ग
22 नंदुरबार
23 दुर्गवाडी
24 लळींग
25 कल्याण
26 फत्तेगड
27 कनकदुर्ग
28 गोवा
29 तळगड

इतर पाच राज्यातील किल्ले

1) भटिंडा – पंजाब
1) असिरगड – मध्यप्रदेश
1) इडर – गुजराथ
1) तारागड – राजस्थान
1) सरी – दिल्ली
2) कोटला
3) लाल किल्ला
4) इंद्रप्रस्थ
5) तुगळताबाद
6) आदिलाबाद
7) पूर्ण किल्ला

Durg Maha Puja- 28 Feb 2016
*******************************
On Fort Malhargad………..
by the hands of
Mr & Mrs Parag Divekar शिवाजी ट्रेल पुरोहित
This years DURG PUJA will be performed on minimum on 1⃣2⃣1⃣Forts in Maharashtrs, Goa, MP, Punjab, Delhi, Gujrath, Rajasthan.

If you want to join pl call on 8888500055 or
“Durg Puja”Ganesh India – President
Guru Dhanwa
Or
“Durg Maha Puja” Malhargad-
President
Ganesh Raykar
???????????
आपण संवर्धन कार्य करत असलेल्या
किल्ल्यावर पूजा करा अधिक माहिती साठी संपर्क करा मो.नं . 8888500055

श्री.खरमाळे रमेश
(माजी सैनिक खोडद)
निसर्ग रम्य जुन्नर तालुका
“शिवाजी ट्रेल किल्ले संवर्धक

भुयारी-मार्ग-एक-उत्सुकता

भुयारी मार्ग एक उत्सुकता… 
(इतिहास जुन्नरचा)
लहानपणी भुयारीमार्ग असलेल्या अनेक भाकडकथा ऐकावयास मिळत असत. त्या ऐकत असताना त्यांच्या विषयी जाणून घेण्याची, पाहण्याची उत्सुकता अगदी शिगेला पोहचत असे. परंतु वय लहान व त्याठिकाणी न जाण्याचा घरच्यांचा आदेश नेहमीच आड येत असे. जस जसा मोठा होत गेलो तर या इच्छेच्या आड शिक्षण येत गेल व गरीबी एवढी की एकवेळचे जेवण मिळणे कठीण. या संघर्षाचा अगदी जन्म झालेल्या दिवसापासूनच जन्म झाला होता. त्यामुळे कोणत्याही गोष्टी ऐकावयास मिळाल्या किंवा दुरून पहावयास मिळाल्या कि त्यातच समाधान मानावे लागत असे. घरची परिस्थिती उपभोगताना आईवडलांना होणार्या यातना पाहुनही त्या दुर करू शकत नव्हतो. या परिस्थितीत बहीनींचे जेमतेम 4 थी पर्यंत शिक्षण झाले. मोठा भाऊ आठवीपर्यंतच शिकु शकला. व भाऊ बहिणींना वाटे की मी तरी जास्त शिकावे. त्यात त्यांना मदत करता करता माझाही शिक्षणाकडे कानाडोळा झाला व इयत्ता आठवीचे नापास झाल्याने दोन वेळा शिक्षण पुर्ण झाले.
इयत्ता 12 वी पुर्ण करून पुढे निघालो न शिकण्याचा निर्णय घेतला व नोकरीच्या शोधात प्रयत्न करू लागलो. वडीलांच्या इच्छे खातिर एफ वाय ला अॅडमीशन घेतले. त्याच कालावधीत पुण्यात मिलेट्रीची भरती निघाली. व पत्रव्यवहार करून काॅल लेटर मिळाले. व योगायोग म्हनावा की काय मी मिलेट्रीच्या परीक्षा देऊन त्यात उतीर्ण झालो. व ट्रेनिंगला बेळगावला गेलो. पुढे ट्रेनिंग झाले 17 वर्षे सर्विस करून रिटायर होऊन पेन्शन आलो तेंव्हा पुन्हा एकदा या लहानपणी ऐकलेल्या भुयारीमार्गाने डोक वर काढले. आज सर्व अनुभव दांडगे होते. मिलेट्रीच्या शिक्षणाचे धडे मिळाल्याने भय हा शब्द विरून गेलेला होता. त्यामुळे निश्चय केला जुन्नर तालुक्यात असलेल्या भुयारीमार्गांची सत्यता स्वतः पडताळून पहायची. खोडद गावच्या महात्मा फुले विद्यालयात शिक्षण घेत असताना “निश्चयाचे बळ तुका म्हणे हेची फळ” हे रंगदास स्वामींचे वाक्य रोजच वाचनात असायचे तेच ब्रिदवाक्या मनी बाळगून अगदी दोन वर्षांत तालुक्यातील सात सह्याद्री रांगा चाळुन काढल्या. त्यावर असलेल्या भुयारीमार्गाच्या शेवटपर्यंत पोहचलो. व आपल्याला सांगण्यात येणार्या भाकडकथा या फक्त भिती दाखवण्यासाठीच उपयोगात आणल्या गेल्या एवढीच त्यात सत्यता आहे हे सत्य निदर्शनास आले.
मित्रांनो पाच भुयारीमार्ग मला जे ऐकावयास मिळाले व ते मी प्रत्यक्ष अनुभवले आहेत. ते खालील प्रमाणे आहेत.

1) किल्ले शिवनेरीच्या साखळदंडाच्या तोडाशी असलेल्या टाकीतील तीन भुयारी मार्ग.

सांगितले जायचे कि किल्ले रायगड, किल्ले नारायणगड व किल्ले शिवनेरीच्या गर्भा जाण्यासाठी व फिरण्यासाठी हे मार्ग आहेत. परंतु गेल्या वर्षी 19 फेब्रुवारी 2015 ला रात्री ठिक 1:30 वाजता या टाकीत मी शिरून हे मार्ग मित्राच्या मदतीने चेक केले. परंतु येथे काहीही नसुन ते फक्त तीन ते चार फुट आडवे कोरलेले असून शत्रुंना संभ्रमात पाडण्यासाठी अतिशय चातुर्याने केलेला हा प्रयत्न आहे.

2) पंचलिंग मंदिराच्या जवळ असलेला भुयारीमार्ग.
हा भुयारीमार्ग नसुन एक भुयारी पाण्याची टाकी आहे की जिचा जमिनीत 30 ते 35 फुट आडवा बांधीव तोडीतील विस्तार असुन. पावसाळ्यात पडणार्‍या पाण्याचा साठा येथे केला जायचा व उत्कृष्ट पध्दतीने तो वर्षभर पंचलिंगाच्या मंदिराच्या समोरील टाकीत तो चालू राहील याची केलेली ती सुविधा आहे. तो कोणत्याही प्रकारचा भुयारी मार्ग नाही.

3) हटकेश्वरावरील भुयारीमार्ग. ( साळुंकी)
आपणास नेहमीच ऐकवले जाते की अष्टविनायक लेण्याद्री “गिरीजात्मजाचे” आपण जे रूप पहात आहोत तो भाग हा पाठीमागील भाग आहे व गणेशाचे तोंड पश्चिम दिशेला असणाऱ्या भुयारीमार्गाकडे आहे. हा भुयारीमार्ग हटकेश्वरावर असलेल्या भुयारातुन सुरू होतो कि ज्याच्या तोंडाशी एक शिवलिंग आहे. मित्रांनो या भुयारीमार्गाच्या तोंडाशी शिवलिंग आहे हे खरे आहे परंतु हा मार्ग पंधराफुट सरळ जाऊन उत्तरेकडे पंधरा फुट गेलेला असून तेथेच संपतो.

4) किल्ले जिवधनच्या जुन्नर दरवाजा मार्गाच्या मध्यावर उजव्याहाताला असलेला भुयारीमार्ग.
मी किल्ले जीवधनवर अनेक वेळा गेलो व अनेक वेळा सांगितले जायचे कि हा मार्ग संपूर्ण जीवधन मध्ये अंतर्गत फिरण्यासाठी कोरलेला आहे. परंतु तसे काहीही नसुन तो तीस फुट कोरत नेलेला असुन पुढे दहा बारा फुट आडवा कोरला असून तेथे आराम करण्यासाठी सुविधा केली आहे.

5) बोतार्डेगावच्या दक्षिणेस असलेल्या डोंगरावरील रांजण मार्ग.
स्थानिक सांगतात की पुर्वी या मार्गाने तांबे गावला जायला आठ दिवस लागायचे. परंतु असे काहीही नसून डोंगराच्या आतून येणाऱ्या पाण्याने हा नैसर्गिक चाळीसफुट लांबीचा मार्ग तयार झाला असून यात सरपटत पुढे शेवटार्यंत जाता येते. व त्यापुढे टिपटिप पाणी येईल येवढेच छिद्र आहे. या मध्ये प्रवेश करताना विशेष काळजी घ्यावी कारण खूपच दमछाक होते. नैसर्गिक तयार झाल्याने त्यातएकरूपता नसल्याने किटक व प्राणी असू शकतात.
वरील भुयारीमार्ग आपणास अभ्यासवयाचे असतिल तर स्वतः काळजी घेणे आवश्यक आहेत. माझा मिलेट्रीचा अनुभव माझा गुरू असल्याने मी ही माहिती आपणापर्यंत पोहचवू शकलो याचा मला सार्थ अभिमान वाटतो. व तालुक्यात अजुन अशी काही ठिकाणे असतील तर ती मला पर्सनल शेर करावीत कि त्यांची सत्यता पडताळून मला आपणापर्यंत उजेडात आणता येतील हीच सदिच्छा व्यक्त करतो.

लेखक / छायाचित्रे – श्री. खरमाळे रमेश
(माजी सैनिक खोडद)
निसर्ग रम्य जुन्नर तालुका

रान होला पक्षी…

काल जंगल भागात भटकंती करत असता रामेठा वनस्पती शेजारून जात होतो व सहज रामेठा वनस्पतीच पान तोडले तर मी अचानक डचकलोच कारण त्याच झुडपातुन भर्र…आवाज करत रान होला पक्षी उडून गेला.क्षणार्धात मनी एक प्रश्न स्पर्श करून गेला कि नक्कीच या ठिकाणी या पक्षाचे घरटे असावे. त्या प्रश्नाचे उत्तर सापडण्यासाठी जास्त वेळ पण लागला नाही. उत्तर तर समोर होतच. परंतु रान होला पक्ष्याची दोन सुंदर पिल्ले त्या घरट्यात पाहुन खुपच आनंद झाला. अगदीच चार ते पाच दिवसाची अंगावर कोवळे भुरके केस असलेली व चाहुल लागल्याने डोळ्याची उघडझाप करत व शांत व कदाचित पोट भरलेले असल्याने ते तशीच पहुडलेली सुंदर दिसत होती. त्यांना कुठलाही स्पर्श न करता त्याच स्थितीत निरोप घेतला व पुढील प्रवास सुरू केला.

छायाचित्र – श्री.खरमाळे रमेश
( माजी सैनिक खोडद )

मित्रांनो आज देशात अनेक ठिकाणी व घरोघरी अगदी धुमधडाक्यात श्री.गणेशाचे विराजमान झाले…

मित्रांनो आज देशात अनेक ठिकाणी व घरोघरी अगदी धुमधडाक्यात श्री.गणेशाचे विराजमान झाले व सर्वत्र आनंदोत्सव सुरू झाला. अनेक मंडळांनी व परीवारांनी विराजमान श्री गणेश वास्तू सुशोभित करण्यात कोणतीही कसर सोडली नसेलच. वर्षभर न भेटणारे अनेक मित्र या उद्देशाने एकदा भेटी गाठी घेतात व आपले मन मोकळे करत असतात. याच आनंदोत्सवात भटकंती केलेल्या किल्यांची आठवण करून किल्यावरील वर्षानुवर्षे विराजमान असलेल्या कातळ कोरीव श्रीगणेशा ची प्रकर्षाने आठवण झाली व नकळतच आपणही त्यांचे या चतुर्थीच्या दिवशी छायाचित्राद्वारे दर्शन घ्यावे.यासाठी केलेला हा छोटासा प्रयत्न आहे.

छायाचित्र – श्री.खरमाळे रमेश
( माजी सैनिक खोडद )

श्री गणेश स्थापना शभ मुहूर्त…

श्री गणेश स्थापना शभ मुहूर्त सकाळी 06:23 ते 07:55 11:28 ते 12:29 दुंपारी 12:29 ते 01:25 03:01ते 03:25 संध्या 05:03 ते 06:22 वरील शुभ वेळेत स्थापना करावी.
“निसर्ग रम्य जुन्नर तालुका ” पेज परिवारातील सर्व परीवारांस श्री.गणेश चतुर्थीच्या खुप खुप हार्दिक शुभेच्छा .

हरिश्चंद्रगडाराच्या मंदिर परिसराचे संपूर्ण छायाचित्र दर्शन.

हरिश्चंद्रगडाराच्या मंदिर परिसराचे संपूर्ण छायाचित्र दर्शन.
छायाचित्र – श्री.खरमाळे रमेश
( माजी सैनिक खोडद )

बुढापे मे भी माॅ बाप से खुब प्यार करें…

बुढापे मे भी माॅ बाप से खुब प्यार करेंl

एक बेटा अपने वृद्ध पिता को रात्रि भोज के लिए एक अच्छे रेस्टॉरेंट में लेकर गया।
खाने के दौरान वृद्ध पिता ने कई बार भोजन अपने कपड़ों पर गिराया।

रेस्टॉरेंट में बैठे दुसरे खाना खा रहे लोग वृद्ध को घृणा की नजरों से देख रहे थे लेकिन वृद्ध का बेटा शांत था।

खाने के बाद बिना किसी शर्म के बेटा, वृद्ध को वॉश रूम ले गया। उसके कपड़े साफ़ किये, उसका चेहरा साफ़ किया, उसके बालों में कंघी की,चश्मा पहनाया और फिर बाहर लाया।

सभी लोग खामोशी से उन्हें ही देख रहे थे।बेटे ने बिल पे किया और वृद्ध के साथ
बाहर जाने लगा।

तभी डिनर कर रहे एक अन्य वृद्ध ने बेटे को आवाज दी और उससे पूछा ” क्या तुम्हे नहीं लगता कि यहाँ
अपने पीछे तुम कुछ छोड़ कर जा रहे हो ?? ”

बेटे ने जवाब दिया” नहीं सर, मैं कुछ भी छोड़ कर
नहीं जा रहा। ”

वृद्ध ने कहा ” बेटे, तुम यहाँ
छोड़ कर जा रहे हो,
प्रत्येक पुत्र के लिए एक शिक्षा (सबक) और प्रत्येक पिता के लिए उम्मीद (आशा)। ”

दोस्तो आमतौर पर हम लोग अपने बुजुर्ग माता पिता को अपने साथ बाहर ले जाना पसँद नही करते

और कहते है क्या करोगो आप से चला तो जाता
नही ठीक से खाया भी नही जाता आपतो घर पर ही रहो वही अच्छा होगा.

क्या आप भूल गये जब आप छोटे थे और आप के माता पिता आप को अपनी गोद मे उठा कर ले जाया
करते थे,

आप जब ठीक से खा नही
पाते थे तो माँ आपको अपने हाथ से खाना खिलाती थी और खाना गिर जाने पर डाँट नही प्यार जताती थी

फिर वही माँ बाप बुढापे मे बोझ क्यो लगने लगते है???
माँ बाप भगवान का रूप होते है उनकी सेवा कीजिये और प्यार दीजिये…

क्योकि एक दिन आप भी बुढे होगे फिर अपने बच्चो से सेवा की उम्मीद मत करना..

वो भी तो आप से ही सिखते है